Geguritan Jawa | Labuh Labet Ing Kamardikan

 

Farros Dava & Chanda Dahayu
Labuh Labet Ing Kamardikan

uwong JAWA - GEGURITAN - Geguritan Jawa dengan judul "Labuh Labet Ing Kamardikan" karya Yheni Tunggal Mring Astuti ini dipersembahkan untuk para pahlawan pejuang bangsa yang telah bersusah payah berjuang dalam meraih kemerdekan bangsa Indonesia. Geguritan Jawa ini dibacakan oleh Farros Dava dan Chanda Dahayu yang merupakan siswa-siswi SMPN 2 Girimarto saat mengisi kegiatan HUT RI ke-77 di Pendopo Kecamatan Girimarto.

Geguritan Jawa

Labuh Labet Ing Kamardikan

Dhuh kusumaning bangsa

Kados pundi caranipun nglampahi kamardikan?

Pangorbanan pancen wigati sanget marang bangsa

Pangorbanan ingkang kapisungsungaken marang bumi pertiwi

Napa kula kedah mandhap ing paprangan?

Napa kula kedah adus ludira?

Napa kula kedah kenging cublesing glati bangsa Walandi?

Kula estu boten mangertos kados pundi caranipun?

Kados pundi caos piwales sadaya pangorbanan?

Kusumaning bangsa lila legawa

Ngorbanaken bandha donya sarta jiwangga

Kamardikan bangsa boten saged karengkuh dening pribadi

Dhuh kusumaning bangsa pejuang bumi pertiwi

Kula saderma nglampahi kamardikan

Kedah siyaga ing gati ngisi kamardikan

Paprangan zaman sak menika boten kedah kebak ludira

Olah pikir olah rasa kedah sumadya

Adhedhasar Pancasila

Ngadhepi paprangan globalisasi

Budaya manca sampun ngantos ngiwa'aken budaya bangsa

Budaya bangsa minangka sumbering kekiyatan

Prakanca sampun ngantos supe marang budaya

Lestarining budaya awujud kurmat marang para kusumaning bangsa

Baca juga : Geguritan | Sasmita Gaib Virus Corona

Video Geguritan Jawa : Labuh Labet Ing Kamardikan